काग्रेसमा भाँडभैलो २२ जनाले एकै पटक दिए राजिनामा

Above Article Ad
  • Above Article Content Ad

    नेपाली कांग्रेसका २२ जना आमन्त्रित केन्द्रीय सदस्यहरुले राजीनामाको घोषणा गरेका छन् ।कांग्रेसको विधानमा आमन्त्रित केन्द्रीय सदस्यलाई क्षेत्रीय प्रतिनिधि सरह अधिकार नदिएकोमा असन्तुष्टि जनाउँदै उनीहरुले राजीनामाको घोषणा गरेका हुन् ।                                                                               जारी केन्द्रीय समिति बैठकमा आफूले राजीनामाको घोषणा गरेको आमन्त्रित केन्द्रीय सदस्य किरण पौडेलले जानकारी दिए । २२ जनाले एकै पटक राजिनामा दिए पछि देशभरमा काग्रेस कार्यकर्तामा तरंग गएको छ |                                                                                                                              महाधिवेशन तरंगको साइड इफेक्ट तरंगको रुपमा २२ जनाको राजिनामालाई हेरिएको छ । महाधिवेशनको विवादका कारण काग्रेसमा अनेक खालका घटनाहरु भइरहेका छन् । अरुलाई लोकतन्त्रको पाठ पढाएर नथाक्ने नेपाली काग्रेस पार्टी भित्रको आन्तरिक लोकतन्त्र भने विजोग अवस्थामा रहेको छ ।                                                                                        कोहि पार्टी कार्यालयमै बसिरहेका छन् भने देउवाको असक्षमताका कारण निर्धारित समयमा महाधिवेशन हुन नसकेको भन्दै पार्टी भित्र सभापती देउवाको चर्को आलोचना भइरहको छ ,। पटक पटक थपिएको र विधानले दिएको समय अवधि भित्र काग्रेसको महाधिवेशन हुन सकेको छैन। महाधिवेशनको मितीकै कारण सभापती शेरबहादुुर देउवा र वरिष्ठ नेता रामचन्द्र पौडेल विचको विवाद चर्कदै गएको छ ।                                                                                  यसैविच कांग्रेस केन्द्रीय समिति बैठकमा सभापति शेरबहादुर देउवासँग केन्द्रीय सदस्य डा. रामशरण महतबीच सवालजवाफ भएको छ । डा महतले सभापतिकै जिल्लामा क्रियाशील सदस्यताको विवाद रहेको बताएका छन् ।                                                                                                                        डा महतले ‘सभापतिजी तपाईंकै जिल्लामा विवाद छ’ भनेपछि देउवलाले पनि ‘तपाईंको नुवाकोटमा पनि विवाद छ नि’ भन्दै जवाफ फर्काएका थिए ।त्यसपछि महतले भने, ‘म बोल्दैछु, राम्रोसँग सुन्नुस् पहिला ।’                                                                                  उनले क्रियाशील विवाद समाधानमा नेतृत्व गम्भीर नभएको र धाँधली गरिएको आरोप लगाए । संवैधानिक संकटबाट पार्टीलाई मुक्त गराउनुपर्ने धारणा पनि उनले राखेका छन् ।                                           साभार : OTV Nepal

    फेसबुक प्रतिक्रियाहरु
    यो खबर पढेर तपाईलाई कस्तो महसुस भयो ?
    +1
    0
    +1
    0
    +1
    0
    +1
    0
    +1
    0
    +1
    0
    +1
    0

    Below Article Content Ad
    Below Article Ad
    Below Comments Ad
    Back to top button