काभ्रेबाट को-को मन्त्री बने, गोकुल बाँस्कोटा किन चर्चामा रहिरहे ?

Above Article Ad
  • Above Article Content Ad
  • धुलिखेल, काभ्रे | २००७ साल यताको ईतिहास हेर्ने हो भने काभ्रे जिल्लाबाट सरकारमा १० जना पुगेको देखिन्छ । तर जिल्लाको विकास निर्माणको योगदानलाई हेर्ने हो भने गोकुल बाँस्कोटाको तुलना अन्य ९ जनासंग गर्न पटक्कै मिल्दैन् ।

     

    भलै कुरा काट्नेहरूले विकास भन्दा पनि ७० करोड काण्डले बाँस्कोटाले जिल्लालाई चिनाएको पनि भन्न भ्याएकै छन् । यो केवल ओठे तर्क मात्रै हो । यसमा कुनै सत्यता देखिँदैन् । बाँस्कोटालाई लामो समय देखि नजिकबाट चिन्ने र मनमा कुनै स्वार्थ नबोकेका ईमान्दार कार्यकर्ता र समकक्षीहरू ७० करोड काण्ड बाँस्कोटाबाट हुनै नसक्ने विश्वास गर्छन् ।

    Article inline ad #1
  •  

     

     

    तर जिल्लामा बाँस्कोटाले भित्र्याएका विकास बजेटबाट अतालिएरका विपक्षीहरूलाई ७० करोड काण्ड एउटा ‘स्वादिलो मसला’ बनेको छ । तर हेक्का राख्नु पर्ने कुरा चाहिँ के हो भने मसला स्वादिलो छ भन्दैमा सबै तरकारीमा प्रयोग गर्न मिल्छ भन्ने छैन् । बाँस्कोटाले यसको परीक्षण निर्वाचनबाटै गर्ने पटक पटक बताउँदै आइरहनु भएको छ । र निकटस्थहरू कुनै पनि हालतमा विकास निर्माणमा गरेको बाँस्कोटाको योगदानलाई सम्मान गर्न र ७० करोडको कलङ अर्को पटकको निर्वाचनमा निर्वाचित गराएर मेटाउन चाहान्छन् ।

    सम्बन्धित खवर
    Article inline ad #2
  •  

     

     

    काभ्रेबाट बाँस्कोटा सहित शैलेन्द्र उपाध्याय, सुशिला थापा, केशव बडाल र राजेन्द्र खरेल मन्त्री बनेका छन् । त्यस्तै सत्यमान लामा, गोविन्दनाथ उप्रेती, सूर्यमान दोङ, कन्चनचन्द्र बादे र रेशम लामा राज्यमन्त्री बने । राजेन्द्र खरेलले शिक्षा क्षेत्रमा टिके जागिर लगाएर चर्चा बटुल्नु बाहेक अन्य मन्त्री र राज्यमन्त्रीहरूले खास उपलब्धि मुलक काम गरेका छैन् ।

     

     

    तर बाँस्कोटा मन्त्री बनेपछि साच्चै बत्ती मुनिको अधेँरो हटेको छ । बाँस्कोटा विजयी भएको निर्वाचन क्षेत्र नम्बर २ मा विकास निर्माणले नयाँ स्वरूप लिएको छ । विकास निर्माणमा ठूलो हलचल ल्याईदिएका छन् बाँस्कोटाले । विपक्षी तरङ्गित बनेका छन् । मतदाता खुशी छन् । मतको सहि सदुपयोग गाउँ टोलमा भैरहेको विकास निर्माणले प्रष्टै देखाएको छ ।

     

     

     

    बाँस्कोटाले सुरुवात गरेका केहि ठूलो परियोजनाहरूको तत्कालै परिमाण पाइदैन । तर दीर्घकालीन महत्वका योजनाहरूले बाँस्कोटालाई पछिल्लो पुस्ताले पनि सम्झिरहने छ ।

     

     

     

    राजधानी उपत्यकाबाट सबैभन्दा नजिक भएको जिल्ला भएर अपेक्षाकृत विकास हुन नसकेको काभ्रेलाई बाँस्कोटाले ठूलै गुण लगाएका छन् ।बाँस्कोटाको निर्वाचन क्षेत्रमा अर्बौंको विकास योजना चालु आर्थिक वर्षमा पनि सञ्चालनमा छ । बाँस्कोटाकै खास जोडबलमा देशभरमा भन्दा बढी काभ्रे जिल्लाकै सामुदायिक विद्यालयमा कम्प्युटर शिक्षा सुरूवात भएको छ ।

     

     

     

    ग्रामीण सडक स्तरोन्नति । शुद्ध खानेपानीमा नागरिकको पहुँच अभिवृद्धि गराउने । सुरूङ मार्ग मार्फत राजधानीसंग काभ्रेको यात्रा छोट्याउने जस्तो योजनाहरू बाँस्कोटाका उपहार हुनेछ । राजधानी र केहि उच्च तहका नेताको निर्वाचन क्षेत्रमा मात्रै सिमित बजेट बाँस्कोटाले आफ्नो जिल्लाको लागि खोसेर ल्याउन सफल भए । यसका लागि पनि बाँस्कोटालाई मतदाताले स्याबस भनिरहेका छन् ।

     

     

    केन्द्रमा पहुँच राख्न सक्ने नेता भयो भने विकास निर्माणले काँचुली फेर्ने रहेछ भन्ने विश्वास बाँस्कोटाले मतदातालाई दिलाएका छन् । चिया पसल, चौतारोहरूमा बाँस्कोटाकै कुरा हुन्छ । चाहे बाँस्कोटाको पक्षमा होस् वा विपक्षमा नै किन नहोस् । ५/७ जना भेला भएको ठाउँमा बाँस्कोटाको नाम उच्चारण नभएको बिरलै हुन्छ । अर्थात् गोकुल बाँस्कोटा एउटा बिम्बको रूपमा स्थापित बनेका छन् ।

     

     

    विपक्षीलाई विकास बजेट ल्याएर तर्साइरहेका छन् बाँस्कोटा । प्रष्ट बक्ता, मनमा छलकपट नराख्ने नेता भनेर पनि धेरैले बाँस्कोटालाई बुझ्छन् । यति हुँदा हुँदै पनि बाँस्कोटाका केहि बलजफ्ती स्वभाव छन् । जुन नेतामा हुनु पर्ने गुणभित्र पर्दैन । र पनि कार्यकर्ताले स्वीकार गरिदिनु परेको छ ।

     

    मिलिजुली खबर बाट साभार

    फेसबुक प्रतिक्रियाहरु
    यो खबर पढेर तपाईलाई कस्तो महसुस भयो ?
    +1
    0
    +1
    1
    +1
    0
    +1
    0
    +1
    0
    +1
    0
    +1
    0

    Below Article Content Ad
  • Below Article Ad
  • Below Comments Ad
  • छुटाउनुभयो कि?
    Close
    Back to top button