नेकपा एमालेमय काभ्रे

Above Article Ad
  • Above Article Content Ad
  • पार्टी विभाजन भए पछिको पहिलो बृहत्त कार्यकर्ता भेला आयोजना गरेको नेकपा एमाले काभ्रेको भेलामा कार्यकर्ताहरु उर्लिएका छन् । लामो समय पछि भएको भेलामा एकताको सन्देश दिन र एमाले विभाजन भएको छैन भन्ने सन्देश दिन कार्यकर्ताहरु जिल्लाका विभिन्न स्थानबाट सहभागि भएका थिए ।

    एमालेको बृहत्त कार्यकर्ता भेलालाई महासचिव ईश्वर पोखरेल सहितका दर्जन नेताहरुले सम्बोधन गरेका छन् । अध्यक्ष अशोक ब्याञ्जुको अध्यक्षतामा सम्पनन भेलालाई महासचिव पोखरेलको अलावा नेता टोपबहादुर रायमाझी, पुर्व मन्त्री एवं काभ्रे ईन्चार्ज गोकुल बास्कोटा, संघिय सांसद नविना लामा, पुर्व राज्य मन्त्री रेशम लामा, संविधान सभा सदस्य रामहरी सुवेदी, वागती प्रदेश सभा सदस्य गोमा भुर्तेल र चन्द्र लामा, नेताहरु चुडामणी गौतम ‘हेमक’, नारायण बानियाँ ‘दिपेश’, रिता ढकाल, नारायण पाण्डे, इन्द्र तामाङ लगायतले सम्बोधन गरेका थिए ।

    नेता टोपबहादुर रायमाझीले अध्यादेश, परमादेश र जनादेश के सही र गलत हो भन्ने कुरा छुट्याउने बेला आएको बताउनुभयो । केपी शर्मा ओलीको नेतृत्वमा विकास र समृद्धिको एजेण्डा परिवर्तन भएको उहाँले दाबी गर्नुभयो । विकास र समृद्धिबाट मात्र देशमा परिवर्तन सम्भव छ भनेर नै केपी ओलीको नेतृत्वमा विकासको अभियान अघि बढेको उहाँले बताउनुभयो ।

    Article inline ad #1
  • कसैलाई प्रधानमन्त्री र कसैलाई पार्टी अध्यक्ष चाहिएर अस्वस्थ प्रतिस्पर्धा सुरु भए पछि नेकपा विभाजित भएको उहाँले बताउनुभयो । ‘राष्ट्र र जनतलाई केन्द्रमा राखेर पार्टी एकता नगरेका साथीहरु पार्टी विभाजनतर्फ लाग्नुभयो, एकहदसम्म पार्टी विभाजन गरेर छाड्नुभयो’, उहाँले भन्नुभयो ।

    माधव नेपाल लगायतका नेताले राजनीतिमा दुनियामा नै नभएको अपराध गरेको उहाँले बताउनुभयो । प्रतिपक्षी दलको नेतालाई प्रधानमन्त्री बनाएर हिंड्ने जस्तो निकृष्टता अरु केही हुनै नसक्ने उहाँले बताउनुभयो । ‘आफू सिद्धियो भन्ने थाहा छैन, प्रधानमन्त्री बनाइयो भनेर दंग हुनुहन्छ’, रायमाझीले भन्नुभयो ।

    पुँजीवादका नाइकेलाई नेता बनाएर हिँड्नेहरु समाजवादमा पुग्न नसक्ने उहाँले बताउनुभयो । प्रचण्डले पुँजीवादका नाइकेलाई बोकेर हिँडेको कारण आफूहरुले माओवादी छाड्नु परेको रायमाझीले बताउनुभयो । आफूहरुले सर्वोच्च अदालतको फैसलालाई चुनौति दिएको पनि रायमाझीको भनाइ छ । ‘सर्वोच्चले एमाले जति एमालेमा जाऊ, माओवादी जति माओवादीमा जाऊ भन्यो, हामीले मानेनौँ, हामी राजनीतिक रुपमा नेकपामा नै बस्यौँ, कानुनी रुपमा एमाले भयौँ’, रायमाझीले भन्नुभयो ।

    भेलालाई सम्बोधन गर्दै पुर्व मन्त्री गोकुल बास्कोटाले काभ्रेको विकासमा नेकपा एमाले बादशाह भएको बताउनु भयो । समृद्ध काभ्रेको योजनामा बजेट विनियोजन गरी दुरगामी प्रभाव पार्ने खालका योजनाहरु शुरु भएको बास्कोटाले बताउनु भयो । केहि दिन अघि एमालेबाट विभाजन भएका नेताहरुले एमालेमा रहेर केहि गर्न नसकिएको आरोप लगाएका थिए ।

    Article inline ad #2
  • जीवनभर पार्टीमा रहेर पद लिएकाहरु मात्रै एमालेको विभाजनमा सहभागि भएका छन् । नेताहरुले विभाजनको पक्षमा नलाग्न अनुरोध गरेका छन् । अध्यक्ष अशोक ब्याञ्जुले जिल्लाका सबै पालिका र वडाहरुमा पार्टी काम शुरु भएको र संगठित सदस्य नविकरण भईरहेको जानकारी दिनु भयो ।

    पूर्वमन्त्री एवं एमाले नेता गोकुल बाँस्कोटाले जनताले एमालेलाई दिएको मत कांग्रेसको पाउमा लगेर शेरवहादुर देउवालाई बेच्नेहरुले आफूमाथि प्रश्न उठाउने नैतिक हैसियत नरहेको बताउनुभएको छ ।

    जिल्ला कार्यकर्ता भेलालाई शनिवार बनेपामा सम्बोधन गर्दै बास्कोटाले आफूमाथि भ्रष्टाचारको आरोप लगाउनेहरुलाई पुष्टी गर्न चुनौति दिनुभयो । बाँस्कोटाले भन्नुभयो ‘राज्यका छानविनकारी निकायलाई चुनौती दिन्छु । म कठघरामा उभिन्छु । छानविन गर । हिम्त छ भने पुष्टि गर । जनताले एमालेलाई दिएको मत बेच्नेहरु महाभ्रष्ट हुन् । त्यस्ताले ममाथि आरोप लगाउनुको औचित्य छैन ।

    उहाँले आफू मन्त्री हुँदा पनि घरबाहाल बापतको रकम नलिएको बताउनुभयो । ‘मन्त्री हुँदा पनि घरवहाल वापतको रकम लिइनँ । पार्टी अध्यक्षको घरमा गएर बसेको हुँ,’ बास्कोटाले भने ‘तर ममाथि आरोप लगाउनेहरु पार्टी कार्यालयको सम्पत्ति चोरेर हिड्नेहरु छन् ।उहााले जिल्लामा आफ्नो पालामा इतिहासकै धेरै विकास भएकाले कांग्रेस समेत नतमस्तक भएपछि एमालेभित्रकै केही व्यक्ति भौतिक रुपमा सिध्याउने षडयन्त्रमा समेत लागेको बताउनुभयो । बाँस्कोटाले प्रदेशसभामा एमालेबाट जितेर नेकपा एसमा लागेका लक्ष्मण लम्साल र बसुन्धरा हुमागाईलाई अबको चुनावमा आफ्नो वडामा जितेर देखाउन चुनौति दिनुभयो ।

    बाँस्कोटाले काभ्रेमा विकासको बाहक एमाले भएको भन्दै एमालेलाई काभ्रेमा कसैले हराउन नसक्ने बताउदै एमालेसग प्रतिस्पर्धा गर्ने कोल्याप्स हुने बताउनु भएको हो ।

    आगामी निर्वाचनमा एमाले र नेपाली काग्रेंसबीच मात्र प्रतिस्पर्धा हुने उहाँले बताउनुभयो । बाँस्कोटाले नेकपा एकीकृत समाजवादीका अध्यक्ष माधव कुमार नेपाललाई हिम्मत भए काभ्रेमा आफूसग चुनाव लडन चुनौती दिनुभयो । माओावादीको ठुलो पक्तिले एमाले रोजेको भन्दै उहाँले काभ्र्रेमा माओवादी आँधा भएको बताउनुभयो । उहाँले नेकपा एसलाई भाइ काग्रेंसको शंज्ञा दिंदै उनीहरुको आगामी निर्वाचनको मिसन भनेको जित्नु नभई हराउनु मात्र रहेका बताउनुभयो।

     

    फेसबुक प्रतिक्रियाहरु
    यो खबर पढेर तपाईलाई कस्तो महसुस भयो ?
    +1
    0
    +1
    0
    +1
    0
    +1
    0
    +1
    0
    +1
    0
    +1
    0

    Below Article Content Ad
  • Below Article Ad
  • Below Comments Ad
  • छुटाउनुभयो कि?
    Close
    Back to top button